أسرار لجمالك من أخصائي التجميل

دلوقتي كلنا بندور على أفضل المنتجات التجميلية وممكن يكون صعب انك تلاقي منتج مناسب بسهوله. عشان كده الشهر ده قررنا نجيبلك توصيات من اخصائية التجميل ومنشئة المحتوى الدكتورة نورا عصام و سألناها الاسئله التجميلية المتكررة للحصول على نصائح و حيل مفيده!

من امتي بتمارسي مهنة التجميل؟

دايماً بحب مهنة التجميل و كنت عايزه اتخصص فيها لما كنت في الكلية بعد كده حصلت علي دورات في المجال ده وحصلت على درجة الماجستير في مستحضرات التجميل والتركيبات. وكنت في الوقت ده بشتغل كمنشئة محتوى و تسويق فقررت انشر المحتوي الخاص بيا وأعمل على مدونتي التجميلية من ثلاث سنوات ولحد دلوقتي.

كان عندنا بعض الأسئلة والمخاوف لكل اللي مهتمين بالتجميل محتاجين رأيك فيها فهل ممكن تقدميلنا بعض النصائح؟

اكيد، فلنبدأ!

كام مرة لازم نستخدم واقي الشمس في اليوم؟

الأمر  مش متعلق  بعدد المرات في اليوم؛ احنا لازم نستخدم  واقي الشمس كل ساعتين، سواء اتعرضنا لأشعة الشمس او لا.

فيه جدل كبير حول المنتجات اللي بتحتوي علي فيتامين سي. هل لازم  نستخدمها الصبح ولا باليل بس؟ 

ده مفهوم خاطئ فيتامين سي هو مضاد للأكسدة، عشان كده لازم نستخدمه الصبح قبل وضع واقي الشمس. واكيد طبعا ممكن نستخدمه بالليل لكن واقي الشمس وفيتامين بيعملوا بشكل متوازي مع بعضهم.

لو بنتكلم عن الشفايف هل ممكن الشفايف يحصلها ضرر بسبب الشمس؟

ايوه. أكثر أنواع السرطان شيوعًا بيحصل بسبب الشفايف لأن كتير مش بيضعوا الشفايف في الاعتبار لما بيجوا يستخدموا واقي الشمس وهو ده اكبر غلط. واحنا بنستخدم واقي الشمس على الوجه لازم كمان نستخدمه على الشفايف.

بالنسبه للمقشرات كام مرة ممكن نستخدم سكراب الجسم؟

بوصي بالتقشير مرة واحدة في الأسبوع و نبعد عن المواد القاسية. مقشرات القهوة من المقشرات الرائعة لجسمنا لأنها بتغذي الجسم و تحفز الدورة الدموية لكن التقشير الكتير ممكن يسبب تمزقات مجهرية وده ضرر كبير للبشرة.

بالنسبة للحلاقة وإزالة الشعر هل المقشرات بتساعد على إزالة الشعر الناشئ تحت الجلد؟

اكيد المقشرات بتخلي الحلاقة سهلة وأكثر أمان لكن بوصي بعدم استخدام الماء الساخن اثناء الحلاقة لأنها ممكن تسبب تلف حاجز الجلد ولازم لازم ترطبي بشرتك بعد ازالة الشعر عشان تحافظي عليها.

ايه اللي ممكن توصي بيه بالنسبة لحب الشباب و الندبات و اثارها؟

حب الشباب مرض مزمن، عشان كده اى شخص بيعاني من حب الشباب محتاج يلاقي روتين يناسبه عشان يتعامل مع حب الشباب أنه مرض مزمن وغير قابل للشفاء. كل اللي محتاجة انك تتعلم كيفية التكيف والسيطرة عليه. واقي الشمس والمرطب مفيدين جداً لحاجز البشرة عشان كده مش بوصي بغسل الوجه كتير لو ده هيحفز ظهور حب الشباب. استخدم المنتجات المضادة للالتهابات، لأنها هتخلي الموضوع أسهل بكتير وكمان المنتجات اللي بتوازن إنتاج الدهون في البشرة. كمان حمض الساليسيليك ولكن استخدم كل ده باعتدال. فالكثير ليس جيدًا أبدًا.

كتير مننا بيعاني من قشرة الرأس. ايه الاقتراحات اللي ممكن يعملوها؟

أعتقد أن أكبر خطأ بيرتكبه الأشخاص اللي بيعانو من قشرة الرأس هو استخدام شامبو خالٍ من الكبريتات لأنه قوي بما يكفي لتطهير فروة رأسك من البقايا كمان استخدام ماسك للشعر مرة واحدة في الأسبوع هيغذي ويرطب شعرك. والحل السحري للتقليل من قشرة الرأس هو استخدام النعناع وزيت شجرة الشاي.

لسوء الحظ، كتير من الرجال بيعتقدوا انهم بيعانوا من قشرة الرأس ولكن في الواقع ده بيكون التهاب الجلد الدهني عشان كده لو جربت كل شيء ولسه بتعاني من قشرة الرأس لازم تتزجه للطبيب عشان يساعدك في علاجها.

لو هنتكلم عن تساقط الشعر ايه هي الأسباب الرئيسية، و ازاي نعالج ده؟

تساقط الشعر بيحصل بسبب اسباب وعوامل كتيرة ساعات بيكون سببه الاجهاد وده علاجه سهل بيكون باستخدام امبولات الشعر. وساعات تانيه بتكون سببه الثعلبة، وده مرض محتاج زيارة طبيب الجلدية لأنه بيحصل بسبب عوامل خارجية وكمان ساعات عوامل وراثية في أوقات كتيرة.

بالنسبه للهالات السوداء حول العينين ومشاكل أسفل العين، ايه اللي توصي به لعلاجها؟

مشاكل أسفل العين والهالات السوداء ساعات بيكون بسبب فرط التصبغ، وفي الحالة دي ، أوصي باستخدام كريم العين اللي بيحتوي على الريتينول ومضادات الأكسدة زي الشاي الأخضر، خاصة لو بتعاني من التهاب أسفل العينين. ولو بتدور على نتائج أسرع، فإن العلاج بالحقن الموضعي بيصنع العجائب لمنطقة العين في خلال ثلاثة أيام فقط.

نرجع ليكي ولحياتك المهنية، شايفه نفسك فين بعد خمس سنوات؟

هستمر في إنشاء المحتوى الخاص بي ولكن كمان هواصل مهنتي في التسويق. و حلمي اني انشئ مدرسة تجميل في مصر. مكان يروح له الناس فعلا لدراسة علم التجميل