أفضل روتين لبشرتك في ٥ خطوات سهله

اهتمامك ببشرتك ممكن يكون مرهق بالنسبة لناس كتير لأنك مش عارفة تبدأي منين و مش متأكده ايه هي المنتجات المناسبة. وعشان كده انتي في المكان الصح وبنقولك ان العناية بالبشرة مش هيحتاج منك حاجات كتير. طالما انك مستعده لاستخدامها في روتينك اليومي كل حاجه تانيه هتكون بسيطة. بنرشحلك ٥ خطوات سهله لروتين عنايتك ببشرتك و ترشيح لبعض المنتجات اللي هتكون مثاليه انك تبدأي بيها!

الخطوة ١: تنضيف بشرتك قبل اي شئ!

مفيش مكياچ هيكون كويس ومميز من غير الغسول المنظف للبشرة لأنك محتاجه تبدأي روتينك بوجه نظيف ومنتعش هي دي الطريقه الوحيده اللي هتضمنلك فعالية المنتجات اللي هتستخدميها بعد كده. اتأكدي انك بتستخدمي الغسول علي وجه رطب و بنرشحلك غسول الوجه بڤيتامين سي من كولاجرا اللي هيحسن ملمس بشرتك ويخليها ناعمة و سلسة.

الخطوة ٢: التونر هو اكتر شئ فعال

لو الغسول بيساعد علي تنظيف بشرتك فإن التونر هو خطوة إضافية هتضمنلك ان بشرتك تكون نظيفة بنسبة ١٠٠٪ و جاهزه للاستفاده من المنتجات اللي هتستخدميها في روتينك. التونر هيساعدك علي ازاله الأوساخ والتلوث من بشرتك عشان توصلي للتنظيف العميق. بنرشحلك التونر المنقي من كليو الخالي من الكحول واللي بيحتوي علي مكونات مهدئة ومنقية للبشرة.

الخطوة ٣: السيروم شئ مقدس 

السيروم شئ مميز و منتشر جدا دلوقتي لأن كل المؤثرين في مجال الجمال السيروم لازم يكون جزء من روتينهم اليومي. في انواع كتيرة من السيروم ممكن تدمجيها في روتين العناية بالبشرة ولكن هنرشحلك اثنان لازم تجربيهم.

أولاً: حمض الهيالورونيك. سيروم الهيالورونيك عمل ضجة على وسائل التواصل الاجتماعي مؤخرًا، وده لأن ناس كتير مؤخراً اكتشفوا هو قد ايه مؤثر في التجميل. الهيالورونيك بيرطب البشرة و بيجددها ويزود انتعاشها. بنرشحلك ماء الورد من اريج اروماثيربى عشان ترطبي بشرتك بعد كده استخدمي قطرات من حمض الهيالورونيك لحد ما يتم امتصاصه بالكامل. ولو بتدوري علي سيروم هيالورونيك يكون فعال بنرشحلك سيروم حمض الهيالورونيك من كولاجرا.

ثانياً: 

تاني سيروم هو سيروم فيتامين سي اللي بيغذي و يرطب بشرتك. سيروم مثالي لو محتاجه تقللي الخطوط الدقيقه و التجاعيد في البشرة مش بس كده هو كمان هيوحد لون البشرة و يخليها مشرقة و شبابية في وقت قصير. بنرشحلك سيروم ڤيتامين سي من إنفينيتي فارما. 

الخطوة ٤: حافظي علي كل الخطوات اللي فاتت بالترطيب

هنكون صادقين معاكي .. كل الخطوات اللي فاتت هتكون ملهاش لازمه من غير المرطب عشان تثبتي كل شئ. المرطب هيكون منقذ في أي روتين لأنه اخر خطوه هتساعد في امتصاص بشرتك لكل المنتجات للحصول علي اقصي قدر من الفعالية. كمان فيه مرطبات بتحتوي علي عامل حماية من الشمس زي صن بيرفيكتور من لونا اللي هيحمي بشرتك من الشمس.

الخطوة ٥: أضافات مهمه

قناع الوجه

قناع الوجه هو طريقه مريحة للعناية ببشرتك. تخيل انها اجازه نهاية الاسبوع وانت مريح و بتتفرج علي فيلمك المفضل و بتستمتع بوجبة خفيفه و قناع وجه منعش. فيه انواع كتيرة من أقنعة الوجه تختاري منها خاصه ان كل واحد منهم له فوائده الخاصة و في الوقت ده بنرشحلك قناع للترطيب بالرمان و الهيالورونيك من بوبانا اللي هيوفرلك الترطيب لمده تصل الي ٢٤ ساعة.

متنسيش ترطيب شفايفك

الشفايف هو جزء من وجهك متنسيهاش! ترطيب شفايفك مش هياخد منك اي وقت لأن مفيش حد مش عايز شفايفه تكون ممتلئة وناعمة. استخدمي مقشر طبيعي للشفايف زي سكراب الشفايف من جو ناتشورال عشان يخلصك من الجلد الميت و يقشر و يرطب شفايفك. وبعد كده استخدمي مرطب الشفايف اللي هيحمي شفايفك من التشققات اللي بتحصل بسبب الجو البارد. بنرشحلك مرطب شفايف بالفراولة من ذا باث لاند.