أفضل ٣ طرق لحماية بشرتك من التلوث

كلنا عارفين ان التعرض المفرط لأشعة الشمس أو الوجبات السريعة بتأثر على بشرتنا و بتسبب التجاعيد و البقع الداكنة وترهل الجلد. مع ذلك تلوث الهواء هو سبب من أسباب شيخوخة الجلد المبكرة بناء على دراسات و أبحاث لا حصر لها  لأننا مش هنقدر نتحكم فيه. كمان التلوث بيتسبب في حساسية الجلد و البهتان و عدم الإشراق وعشان كده بنقدملك أفضل ٣ طرق لحماية بشرتك من التلوث

• نظفي بشرتك بأستمرار

لما بتكوني راجعه من سهرة متأخرة بتكوني عايزة تنامي من غير غسل و تنظيف وجهك أولاً لكن لو كنتي برا طول اليوم فأن بشرتك هتكون اتعرضت بكم كبير من التلوث. وعشان كده تنظيف وجهك ورقبتك كل يوم هي أهم طريقة لإزالة الأوساخ والتلوث من البشرة والأكثر فعالية لحماية بشرتك. استخدمي ميسيلار سكين بريث ماء الورد من نيڤيا لترطيب وجهك وإزالة أي أوساخ متبقية. وللتنظيف العميق استخدمي مقشر مرة واحدة في الأسبوع زي مقشر الوجه المنقي بالمنثول من انڤينتي.

• احمي حاجز بشرتك

عشان تحمي بشرتك و تحافظي عليها لازم تستخدمي منتجات تحمي وتغذي البشرة و تكون حاجز يمنع السموم والتلوث من انها تخترق البشرة. استخدمي كريمات مرطبة تمنع وجهك من الجفاف وتكون بتحتوي علي الهيالورونيك زي كريم اترنيتي سبرينج بالنياسيناميد والهيالورونيك للوجه عشان يرطب بشرتك و يخليها نضرة ولامعه. كمان استخدمي في النهار سيروم مضاد للأكسدة و يكون بيحتوي علي ڤيتامين سى زي سيروم ڤيتامين سى من داكي اللي هيساعدك على مكافحة العوامل البيئية.

• اتبعي نظام غذائي صحي

مش بس المنتجات اللي بتستخدميها على بشرتك هي اللي هتساعدك كمان الاكل اللي بتاكليه هيساعد بشرتك و يأثر عليها. اختاري  الأطعمة الغنية بمضادات الأكسدة زي البرتقال والمشمش والسبانخ لأن الفيتامينات الموجودة فيهم هتساعدك في حماية بشرتك و منع الضرر.