أفضل ٩ منتجات بالهيالورونيك وفوائدهم

لو انتي لسه جديدة في تحديد روتين للعناية بالبشرة خاص بيكي يبقي اكيد سمعتي عن التأثير السحري "للهيالورونيك" ولو مسمعتيش عن فوائدة و تأثيرة يبقي ده المكان الصح عشان تعرفي اكتر عن المكون الأساسي لكل منتجات البشرة.

في المقالة دي من سورس بيوتي هنعرفك على فوائد حمض الهيالورونيك، وايه هو بالظبط و أفضل المنتجات علي سورس بيوتي اللي بتحتوي علي حمض الهيالورونيك اللي هتكون اضافة مميزة في روتين العناية ببشرتك.

ايه هو حمض الهيالورونيك؟

الهيالورونيك هو مادة طبيعية موجودة في جسمنا وهو شئ رئيسي للحفاظ على بشرة صحية ورطبة. ومن أسباب ظهور التجاعيد وترهل الجلد وعلامات الشيخوخة في البشرة هو انخفاض إنتاج الهيالورونيك في جسمنا.

يسمي الهيالورونيك باسم "مرطب الطبيعة" لأنه بيحتفظ بالترطيب في البشرة عشان يحافظ عليها ممتلئة ونضرة. الهيالورونيك له فوائد متعددة مش بس الترطيب لأنه كمان بيساعد في التئام الجروح و بيحمي ضد العوامل البيئية المسببة لبهتان البشرة.

وانتي بتختاري علي منتجات بتحتوي علي حمض الهيالورونيك خلي في اعتبارك الوزن الجزيئي وهو اللي بيخترق الجلد حتي الاعماق عشان يوفرلك الفوائد اللي محتجاها.

ليه محتاجين نضيف الهيالورونيك لروتين العناية ببشرتنا؟

الهيالورونيك هو مرطب قوي لأنه بيقدر يحتفظ ب 1000 ضعف وزنه من الماء عشان يحافظ علي البشرة مترطبة وممتلئة.

لما البشرة بتتعرض لفقدان الماء (TEWL) بيكون دور الهيالورونيك  لأنه بيمنع الرطوبة من الهروب من بشرتك، عشان يضمنلك بشرة ناعمة ومرنة.

كمان خصائص الهيالورونيك المرطبة أثبتت أنه بيساعد على التئام الجروح عشان كده هو مكون أساسي في معظم منتجات البشرة ومناسب لكل الاعمار.

وعشان كده هنرشحلك أفضل المنتجات الغنية بالهيالورونيك اللي هتساعدك في الحصول على بشرة شابة، وتودعي علامات الشيخوخة و التجاعيد.

١. سيروم هيالورونيك مرطب - هولى جريل - جادلى برايد

حولي بشرتك مع سيروم الهيالورونيك المرطب  هولى جريل من جادلى برايد. سيروم غني بالنياسيناميد و الكولاجين  بتركيبة هتساعدك على تقليل الخطوط الدقيقة و علامات الشيخوخة و تخلي بشرتك أكثر شباباً.

٢. مرطب شفايف بالهيالورونيك - بوبانا

شفايفك جزء من وجهك اللي بيعبر عن شخصيتك وعشان السبب ده لازم تحافظي على استخدام مرطب الشفايف بالهيالورونيك من بوبانا عشان هيساعدك على ترطيب شفايفك بفاعلية.

تركيبة طبيعية هتعزز إنتاج الكولاجين عشان شفايفك تكون صحية وأكثر امتلاءً بشكل ملوش مثيل.

٣. سيروم حمض الهيالورونيك - هيكا

رجعى حيوية بشرتك مع سيروم حمض الهيالورونيك من هيكا وودعي البشرة الجافة و الباهتة؛ تركيبة هترطب بشرتك بعمق و تقلل من الخطوط الدقيقة و تقوي بشرتك بشكل عام لشكل أكثر شباباً.

٤. چل الكولاچين البحري وحمض الهيالورونيك - بوبانا

رطبي بشرتك وجدديها مع چل الكولاچين البحري وحمض الهيالورونيك من بوبانا. چل وزنه خفيف على الجلد و غني بالكولاجين والهيالورونيك المعروفين بالترطيب  عشان تستمتعي ببشرة ناعمة وسلسة ومشرقة.

٥. قناع الهيالورونيك - إيفا كوزماتيكس

استمتعي بتجربة هتحول بشرتك مع قناع الهيالورونيك من إيڤا كوزماتيكس. ماسك فاخر هيرطب بشرتك وتساعد في تقليل ظهور الخطوط الدقيقة و تعزيز إنتاج الكولاچين.

٦. غسول هيالو كولاچين الرغوى - إنفنيتى فارما

غسول هيالو كولاچين الرغوي من إنفنيتى فارما هينظف بشرتك بلطف و في نفس الوقت هيرطبها. تركيبة غنية بالهيالورونيك و الكولاچين البحري اللي هيخلوا جلدك مترطب و منتعش.

٧. ميسيلار منظف بالهيالورونيك - نوت بوتانيكالز

استمتعي بتنظيف لطيف وفعال مع الميسيلار المنظف بالهيالورونيك من نوت بوتانيكالز. تركيبة مهدئة هتهدئ من التهيج في الجلد و ترطب بشرتك عشان تكون منتعشة ومشرقة.

٨. كريم مرطب لكنتور العين - ديرماسي لاب

خلي عينك تنور مع الكريم المرطب لكنتور العين من ديرماسي لاب. تركيبة خفيفة الوزن علي الجلد يعني هترطب وتقوي منطقة أسفل العين الحساسة.

٩. كريم الترطيب الليلي - اماندا

اصحي الصبح ببشرة شبابية متغذية مع كريم الترطيب الليلي من اماندا. تركيبة فاخرة غنية بالهيالورونيك وزبدة الشيا ، والكولاجين البحري المعروفين بالترطيب العميق.

لو استخدمتي أي منتج من المنتجات اللي فاتت شاركينا بتجربتك ولو لسه مجربتيش شاركينا ايه المنتجات اللي متحمسة تجربيها و تضيفيها لروتينك؟

شاركي المقال ده مع شخص يكون مهتم بالمنتجات دي واستمتعوا بأفضل المنتجات.