٥ أشياء لتجنب ظهور الحبوب

الحبوب و البثور في البشرة زي الحب. بيجي و يختفي من غير سابق إنذار. مع ان سبب الحبوب معروف لكن دايماً بنسأل منيني جت و ايه اسباب ظهورها؟ وعشان نقلل من الضرر بنقدملك ٥ أشياء لازم تتجنبيها لو ظهرلك حبوب.

• لمس وجهك

القاعدة الأولى في ظهور الحبوب هي تجنب لمس الوجه! وسواء كنت او كنتي بتعاني من الحبوب او لا الأفضل دايماً ان تكون بعيد عن لمس وجهك الا اذا كنت بتغسله او بتحطي مكياچ. صوابعنا دايماً بتكون ملوثة لأننا بنلمس حاجات بشكل مستمر زي مقابض الأبواب وأجهزة اللابتوب والموبايلات وحاجات تانيه كتيرة والتلوث ده لو اتنقل لوجهنا هيستقر على الجلد وبالتالي تظهر الحبوب.

• القماش اللي بتستخدميه

لازم تغسلي الملاية و كيس المخده بأستمرار وده شئ ضروري عشان تتجنبي ظهور الحبوب وتكون تحت السيطرة و ميحصلش اي عدوي. غيري الملاية و كيس المخده والفوطة مرتين في الأسبوع عشان تحافظي علي النظافة.

• استخدام السكر

السكريات بتعمل علي رفع مستوي الأنسولين وده بيعمل تغير في الهرمونات وبالتالي ظهور الحبوب على بشرتنا. وعشان تسيطري على الهرمونات لازم تتبعي نظام غذائي صحي ومتوازن عشان هو اللي هيحافظ علي كل حاجة و هيساعد جسمنا انه يعمل بشكل صحيح. ابعدي عن الشوكولاتة  وتناولها باستمرار عشان تسيطري على الحبوب.

• التعرض لأشعة الشمس

التعرض بنسبة كبيرة للشمس مش شئ ممتع لأن التعرض ليها بشكل مستمر بيخلي الأشعة فوق البنفسجية تضر البشرة و تتسبب في احمرار والتهابات وبالتالي تزيد من عدد الحبوب. لازم تستخدمي واقي شمس خفيف في الشمس أو تلبسي طاقية لو هتتعرض للشمس أثناء النهار.

• المرطب الثقيل

مينفعش مترطبيش بشرتك لا لازم تحافظي على ترطيبها عشان متتعرضش للجفاف بالتالي تحاول إفراز الدهون اللي بتسبب الحبوب. كل اللي محتاجة تعمليه هو استخدام مرطب خفيف عشان ميتسببش في انسداد المسام لكن يساعد بشرتك و يهدئ بشرتك المجهدة.