١٠ منتجات مينفعش تستغنى عنهم فى الصيف

برغم ان الصيف من أحلى فصول السنة، لكن بنحتاج نستعد ليه كويس جدًا عشان نقدر نحمى بشرتنا من الأضرار اللى بتتعرضلها بسبب درجات الحرارة و الأتربة فى الجو. احنا كمان فى سورس بيوتى هنحاول نساعدك و نرشحلك أكتر ١٠ منتجات مينفعش تستغنى عنهم فى الصيف عشان تعيشى صيف لذيذ و ممتع و مُنعش.

للشعر:

محفز بصيلات الشعر

سواء كنتي عايزة تطولي شعرك بعد قصة شعر ندمتي عليها أو شعرك خفيف وبيتساقط، فريق سورس بيوتي بينصحك عن تجربة بإستعمال معزز نمو الشعر اللي بيساعد في إنباته. مكونات زيت بذرة الكتان والروزماري اللى بيعتبر واحد من اشهر أنواع الزيوت لشعر صحي. وعشان كده مش صدفة ان المكونين دول اتجمعوا في منتج فعّال في إطالة الشعر من رو أفريكان. خلى أجواءك الصيفية مبهجة و استمتعى بجمال شعرك و متفوتيش استخدامه.

جو سوي باري! سيروم ضد تطاير الشعر، براس

السيروم ده بقي الحل السهل والسريع لكل مشاكل الشعر، هتقدرى تتحكمى فى هيشان الشعر بإستعمال كام نقطة بس من السيروم. مناسب للشعر الجاف و ممتاز للجو الحر والرطوبة.

بيوڤيتا لتغذية الشعر و الظوافر والجلد، إنفينيتي فارما

و عشان تستعدى كويس للصيف فانتى مش محتاجة بس تهتمى بصحة جسمك و شعرك من الخارج، لكن كمان هتحتاجى تغذي بشرتك و شعرك و كمان ضوافرك من الداخل بڤيتامينات بيوڤيتا من إنفيتى فارما.

للبشرة:

سكراب الكركديه والأرز للوجه والجسم، أوربان دكس

و طبعًا بنفكرك انك لازم تضيفى سكراب لتقشير الجسم ضمن روتين العناية ببشرتك، سكراب الكركديه و الأرز هتقدرى تستخدميه لتقشير خلايا الجلد الميتة و تشعرك بالنعومة و الانتعاش. و لتجربة متكاملة، جربى تستخدمى بعده زيت شجرة الشاى المنقى للوجه لبشرة متجددة.

زيت كلاريفاينج للشعر والبشرة، دونا ناتشورال

بعد ما تستخدمى السكراب بقى، كملى شعورك بالبشرة الناعمة و المتجددة و ادهنى زيت كلاريفاينج للشعر و البشرة. لشعر حيوى و بشرة ناعمة خالية من العيوب محمية من أشعة الشمس.

سيروم تغذية الرموش والحواجب، سنسيرا أروماثيرابى

سيروم سينسيرا المخصص للرموش والحواجب هيخليها قوية و صحية. هيكون لمسة نهائية ممتازة لمساعدتك فى نمو الرموش و الحواجب بشكل صحى.

زيت الچوچوبا للشعر و البشرة، سنسيرا أروماثيرابي

بما ان زيت الچوچوبا فوايده كتير و متعددة لدرجة انه تم استخدامه فترة طويلة من الزمن فى المجتمعات الأمريكية، يبقي احنا لازم نرشحهولك انه يبقي ضمن روتينك للاعتناء ببشرتك و شعرك بقوامه الخفيف اللى بيساعد ترطيب البشرة و تقوية حاجز حمايتها و بيعزز نمو الشعر و طوله. جربيه بنفسك و شاركينا تجربتك.

للجسم:

فرشاة الجسم الجافة، نوت بوتانيكلز

و أكيد مع العناية ببشرتك و شعرك مش هننساكى و هنرشحلك منتجات مش هتستغنى عنها طول الصيف للاعتناء بجسمك. زى فرشاة الجسم الجافة من نوت بوتانيكلز؛ لأن نتائج استخدامها بعد الانتظام و الاستمرار هتكون سحرية عشان بتقلل عيوب البشرة و السيلوليت. كمان هتخلصك من خلايا الجلد الميتة و تترك بشرتك ناعمة و جميلة.

ويلثى چل، جليزد

لو بشرتك بتلتهب فى الصيف, يبقى ويلثى چل من جليزد هو الحل الأفضل لمشكلتك! چل تركيبته مطورة وغنية بفوائد مضادة لإلتهابات البشرة. كمان هيساعدك تتحكمى في البقع الداكنة ويقلل إنتشارها. بنوعدك هتنسي قلق وإحساس تهيج الجلد بسبب فرط التصبغ أو ندبات حب الشباب وكمان تهيج الجلد بسبب حلاقة الشعر!

كريم إيمولينت بالجلسرين لليدين وكعب القدمين، لونا

و لنصيحة متكاملة تشمل من أول الشعر لحد القدمين، ففريق سورس بيوتى بيرشحلك كريم إيمولينت بالجليسرين لليدين و كعب القدمين، هيخلصك من الجفاف و هيرطبهم ترطيب عميق، و كمان حجمه مثالى هتقدرى تشيليه فى شنطتك فى أى مكان.