أفضل ترتيب لروتين بشرتك

سواء ماشية على روتين مكون من ١٠ منتجات أو منتجين في غايه البساطه. كل الموضوع في الترتيب اللي بتستخدمي فيه السيروم والمرطب وواقي الشمس ده اللي هيخلي كل المكونات دي تشتغل بكامل إمكاناتها وقوتها. استخدمي المنتجات بتنسيق مناسب من الأخف للأثقل وعشان كده بنقدملك أفضل ترتيب لروتين بشرتك عشان تستمتعي بأفضل بشرة على الإطلاق.

الخطوة ١: الغسول

اكتر خطوة مهمة هي استخدام الغسول لأن أي منتج من منتجات العناية بالبشرة مش هيكون فعال لو بشرتك مش نظيفة لأنها أول خطوة تبدأي بيها. تنضيف بشرتك الصبح وبليل شئ ضروري بالإضافة لكده محتاجه تتخلصي من الأوساخ والزيوت والمكياج والتلوث اللي بيتراكم علي بشرتك طول اليوم.

نصيحة:

البشرة الجافة: لو بشرتك جافه هتكوني محتاجة غسول يحتوى على السيراميد والجلسرين عشان بيعززوا حاجز البشرة و يكون غسول قائم على الزيت.

البشرة المختلطة/الدهنية: لازم الغسول يكون جل.

البشرة الحساسة: تركيبة خالية من الروائح ومهدئة للبشرة.

بنرشحلك:

غسول رغوى بخلاصة التوت من بابلز

غسول تنظيف وتنقية البشرة من نويت فرانس

ميسيلار آير سكين بريث - للبشرة الجافة والحساسة من نيفيا

الخطوة ٢: التونر

عشان بشرتك تكون صحية هتكوني محتاجة تونر لطيف و مهدئ للبشرة عشان ينظف بشرتك و المسام المفتوحة. التونر هيخلصكمن الزيوت وآثار الأوساخ والأتربة و ضروري جداً لأصحاب البشرة الدهنية او المعرضة لحب الشباب، لكل اللي محتاجين ينظفوا بشرتهم بعد المكياج لازم تستخدمي تونر مناسب وميكونش بيحتوي على تركيبة قاسية.

بنرشحلك:

 ماء الورد سيكريد روز من حتحور

الخطوة ٣: كريم للعين

عشان المنطقه المحيطه بالعين أكثر منطقة حساسة عن باقي الوجه هتحتاجى كريم او جل مناسبين. اختاري كريم يكون مناسب لاحتياجاتك زي الكريمات اللي بتحتوي على كافيين اللي بيقلل من الانتفاخات تحت العين. 

بنرشحلك:

 كريم ليلي للعناية بمحيط العين من ايفا

الخطوة ٤: السيروم

السيروم هو علاج محدد لاحتياجات بشرتك لأنه هيساعدك على استهداف أي مشكلة بتعاني منها زي البقع الداكنة أو البهتان أو حب الشباب.  كمان السيروم بيختلف استخدامه على حسب وقته في اليوم لأن السيروم الصباحي بيكون بيحتوي على مضادات للأكسدة وأكثرها شيوعًا هو سيروم فيتامين سي " اتأكدي من استخدام واقي الشمس بعده". اما بليل استخدمي سيروم الريتينول اللي هيساعدك في تحفيز إنتاج الكولاجين. 

بنرشحلك:

 لا جونيس جولد سيروم من سنسيرا أروماثيرابي

سيروم الريتنول كيراسيل سيكريت من ريا بيوتي

الخطوة ٥: المرطب

اهم خطوة لأن المرطب هيرطب بشرتك وكمان هيحافظ علي كل الخطوات السابقة. الصبح حاولي استخدام مرطب خفيف الوزن و باليل يكون أكثر كثافة.

بنرشحلك:

 إيمولينت كولاچين و ڤايتامين هـ من لونا

الخطوة ٦: واقي الشمس

لو محتاجه تتخلصي او تبطأي من علامات الشيخوخة و تبعدي عن سرطان الجلد، فإن الخطوة النهائية والضرورية هو واقي الشمس.

بنرشحلك:

 واقي شمس بعامل حماية +٥٠ من كولاجرا