أفضل ٥ طرق لحماية بشرتك وإعادة تماسكها

مع تقدمنا ​​في العمر، هنلاحظ تغير كبير في بشرتنا بشكل عام سواء كانت تجاعيد او فقدان تماسك البشرة لمواجهة اي عوامل خارجية. وعشان التعامل مع التحول ده صعب على ناس كتيرة لازم نعرف السبب وهو نقص مستويات الكولاجين والإيلاستين وحمض الهيالورونيك وللسبب ده تحصل علامات الشيخوخة. لكن متقلقيش لأنك ممكن تبطأي من العلامات دي بسهولة من خلال التكيف مع روتين ثابت للعناية بالبشرة وعشان كده بنقدملك أفضل ٥ طرق لحماية بشرتك وإعادة تماسكها.

استخدمي دايماً واقي الشمس

التعرض لأشعة الشمس والأشعة فوق البنفسجية من الأسباب الرئيسية لظهور الخطوط الدقيقة والتجاعيد وفرط التصبغ. وعشان كده الحماية من الشمس عامل رئيسي ومهم عشان تحافظي على صحة بشرتك. بغض النظر لو كنتي داخل او خارج البيت فإن الأشعة فوق البنفسجية قوية جداً وبتسرع من عملية الشيخوخة إلى ما لا نهاية. دخلي واقي الشمس في روتينك وحافظي على بشرتك مشدودة. استخدمي صن بلوك لوشن بالكولاچين من إيڤا لأنه خفيف الوزن علي الجلد و سريع الامتصاص بشكل مش هتتوقعيه.

دوري علي مضادات الأكسدة في منتجاتك

مضادات الأكسدة هي مكونات قوية جدًا لتعزيز تماسك البشرة وده لأنها مليانة بخصائص مضادة للشيخوخة. كمان بتحميكي من أضرار الأشعة فوق البنفسجية والتلوث و تحتفظ برطوبة البشرة عشان تضمنلك بشرة متوهجة ومشدودة. من اكتر منتجات المضادة للأكسده هي ڤيتامين سي والنياسيناميد والريتينول. سيروم الريتنول كيراسيل سيكريت من ريا بيوتي هيساعدك في إبطاء عملية الشيخوخة.

نامي بشكل كويس في الليل

كلنا عارفين ان قلة النوم ليها  تأثير مباشر على صحة بشرتك لأن الحصول على ليلة من النوم الجيد امر ضروري جداً للحصول على بشرة نضرة ومشدودة ومتوهجة. ده بسبب ان خلايا بشرتنا بتتصلح اثناء النوم ولو بتعاني من صعوبة في النوم حاولي استخدام الزيوت المهدئة زي زيت اللاڤندر من حتحور.

استخدمي سيروم ڤيتامين سي

ڤيتامين سي من المكونات الأكثر شعبية في عالم العناية بالبشرة لأنه مضاد قوي للأكسدة وبيسرع من إنتاج الكولاجين عشان يحافظ على بشرتك مشدودة. فوائد الڤيتامين سي مش بس في وضعه على بشرتك لكن كمان تناوله كجزء من نظامنا الغذائي بيساعد كمان في عكس علامات الشيخوخة، وتستمتعي بمظهر مشرق و ساطع

حافظ على ترطيب جسمك

مينفعش ابداً نقلل من أهمية شرب كمية كافية من الماء لأن له تأثير إيجابي على مظهر بشرتك وصحتك بشكل عام. الترطيب مش هيعكس علامات الشيخوخة بشكل كبير، ولكنه من الطرق اللي بيها بتحافظي على مرونة بشرتك.