مقالات

٥ أشياء للتخلص من انتفاخات تحت العين

لو منمتيش كويس امبارح او فترة ما قبل الدورة الشهرية سيطرت عليكي ومش عارفة ازاى تهربي من انتفاخات العين الغير مرغوب فيها. علي الرغم من انك ممكن تخفي الهالات السوداء الا ان الانتفاخات قصة مختلفة. حتى لو ماشية علي نظام غذائي صحي فإن التغيرات اللي بتحصل لمنطقة أسفل العين لا مفر منها خاصة مع تقدمنا في العمر هنرشحلك ٥ أشياء للتخلص من انتفاخات تحت العين. استخدمي كمادات باردة  واحدة من أحسن و أسهل الحيل وهي الكمادات الباردة على منطقة أسفل العين لأنها بتضيق الأوعية وبالتالي تقليل أي التهاب في المنطقه دي. استخدمي الكمادات لبضع دقائق لما تحسي بانتفاخ في أسفل العين.   استخدمي كريم للعين يحتوي على الكافيين زي ما مبتعرفيش تبدأي يومك الصبح الا بقهوتك فإن الكافيين بقي مكون أساسي من مكونات العناية بالبشرة. كريمات العين اللي بتحتوي على الكافيين مفيدة جداً لأنها بتقلل الالتهاب و تخفف احتباس الماء اللي بيسبب الانتفاخ وعشان كده استخدمي أدفانسد كونتور مع كونسيلر العين من كولاجرا في روتينك اليومي.   استخدمي ماسك للعين لو حافظتي علي ترطيب جسمك ده هيحافظ بشكل كبير في تقليل الالتهاب في جسمك بشكل عام. لكن انتي محتاجة تزودي ماسك للعين في روتينك كل أسبوع عشان تحافظي على ترطيب منطقة أسفل العين. ودعي العيون المجهدة و الباهتة ورحبي بمظهر مشرق و منتعش.   نامي بشكل كافي  الحصول على فترة نوم كافية شئ مهم جداً للتحكم في الانتفاخ وكتير بننسي ان ده حل مهم جداً للتقليل من الانتفاخات. مجرد النوم كويس هيخليكي تستمتعي بنتائج مذهله وكمان استخدمي مخدة إضافية وارفعي رأسك عشان نومك يكون ممتع اكتر. استخدمي غطاء وسادة حرير من سليك لمتعه اضافية.   الحركة سريان الدورة الدموية بشكل طبيعي هي من أكتر الطرق اللي بتحققلك توهج طبيعي. ده هيحصل من خلال ممارسة القليل من الحركة والتمارين الصبح عشان تبدأي تشغيل نظام التصريف الليمفاوي اللي هيساعد في تقليل الانتفاخ الزائد في جسمك.